Historical submission · TalenTourney Competition #4. The competition did not proceed to voting; no results or placements were awarded.
Written by Gregory Diaz · Studley Park, Tobago, Trinidad and Tobago
Why we Earth not moving Mi'Lord !!
Aye !! _ Watch-out allyuh !!
Earth going ahn get bounce-down jus now !!
Jus jus now ….. watch ahn see …..
Dis Asteroid from somewhey out dey _ flinging on he merry way _ pelting Two Thousand multiply Ninety miles ah hour _ see Earth stand-up like ah Chupidee in de exact middle ah he highway ahn one-time make ah spiteful decision, "Oh, yuh is Man ahn yuh eh moving _ _ Ah go bounce yuh tail down. "
So now is why we Earth eh looking tuh jump out de way ??
Eh even shifting we carcass lil bit so dat wotless Asteroid go jus glance pass we ….. leh we jus feel de breeze …..
Is bad we bad so !!
Or is de fact dat we figure we is de Master ah de Universe so we untouchable.
All-in-all, we Earth going ahn get bounce-down jus now …… watch ahn see.
Leave a Reply